لاہور(نمائندہ سپورٹس +سپورٹس رپورٹر)سری لنکن بلے باز دنوشکا گوناتھیلاکانے کہا ہے کہ نوجوان سری لنکن ٹیم نے مضبوط پاکستانی ٹیم کیخلاف جس طرح کی کرکٹ کھیلی وہ سری لنکا کرکٹ کیلئے کافی مثبت ہے اور نوجوان کھلاڑیوں کیلئے قابل فخر ہے۔ یہاں آنے سے پہلے اندازہ تھا سیریز کافی اہم ہے، تمام نوجوان کرکٹرز خود کو منوانا چاہتے تھے۔ ٹی 20 میں اور بھی بہتر مقابلہ ہوگا کیونکہ نوجوان سائیڈ ٹی 20 میں بہتر ہے۔ وہ 2017 میں بھی پاکستان آچکے ہیں اور یہاں کی میزبانی اور سکیورٹی نے انہیں بہت متاثر کیا۔ پاکستان کیلئے تاریخی حیثیت رکھنے والی سیریز کھیلنے آنا ان کیلئے بھی اعزاز کی بات ہے۔