رحیم یارخان، سینکڑوں چمگادڑوں  کا حملہ، شہری گھروں میں محصور

رحیم یارخان(کرائم رپورٹر) جناح پارک کے علاقہ میں سینکڑوں کی تعداد میں چمگادڑوں کا حملہ ، علاقہ مکین گھروں میں محصور ہو کر رہ گئے ، رات بھر چمگادڑوں کی آوازوں اور پروازوںسے علاقہ بھر میں خوف و ہراس ، بیماریاں بھی پھیلنے لگیں ، ضلعی انتظامیہ شکایت کے باوجود علاقہ مکینوں کی مدد سے انکاری ۔ تفصیل کے مطابق کچھ عرصہ قبل سینکڑوں کی تعداد میں چمگادڑوں نے شہر کے وسطی علاقہ جناح پارک پر حملہ کرتے ہوئے ڈیرے جمالئے ، چمگادڑوں کی آوازوں اور پروازوں سے علاقہ مکین شام ہوتے ہی گھروںمیں محصور ہوجاتے ہیں ، چمگادڑوں کے باعث تعفن پھیلنے سے علاقہ کے مکین بیماریوں میں مبتلا ہورہے ہیں جبکہ پورے علاقہ میں چمگادڑوں کے باعث خوف و ہراس پھیلا ہوا ہے ۔