عبدالرزاق نے بطور کوچ پہلی فتح اپنے نام کرلی

 لاہور(یواین پی) بطور کرکٹر نام کمانے والے عبدالرزاق نے کوچ بھی پہلی فتح اپنے نام کرلی۔ اپنی اس پہلی کامیابی کو سابق کرکٹر عبد الرزاق نے ٹیم ورک کا نتیجہ قرار دے دیا۔ نیشنل ٹی ٹونٹی کپ میں بلوچستان کو شکست دینا اس نئے رول میں میری پہلی کامیابی ہے، کوچ کی حیثیت سے بنچ پر بیٹھنا مختلف تجربہ ہے، جس کو بہت انجوائے کرنے کے ساتھ اپنے تجربے سے نوجوانوں کو فائدہ پہنچانے کی کوشش کررہا ہوں۔ایونٹ کی فیورٹ ٹیموں میں ہونے کی وجہ سے ہم پر پریشر ہے، تمام لڑکے توقعات پر پورا اترنے کے لیے سخت محنت کررہے ہیں۔