ملتان (سپورٹس ڈیسک) کیلنڈر ایئر میں زیادہ ٹی ٹونٹی رنز کا ریکارڈ محمد رضوان کی دسترس میں آنے لگا ، وکٹ کیپر بیٹسمین نے رواں سال 1428رنز جوڑے ہیں۔، بابراعظم سے ان کا فاصلہ اب صرف 179 رنز کا رہ گیا ۔سینٹرل پنجاب کے مدمقابل 65 رنز بنانے والے محمد رضوان نے سدرن پنجاب کیخلاف 64 کی اننگز کھیلی، سینٹرل پنجاب سے دوسرے میچ میں 6 اور سندھ کیخلاف ایک رن بنایا ، گذشتہ روز بلوچستان سے میچ میں انہوں نے 40 رنز سکور کیے اور رواں سال ٹی ٹونٹی کرکٹ میں اپنے رنز کی تعداد 1428 کرلی ، انہوں نے یہ رنز 62.08 کی اوسط سے سکور کیے ہیں ، رضوان نے مجموعی طور پر 14 بار 50 یا اس سے زائد رنز بنائے ہیں، اس میں ایک سنچری بھی شامل ہے۔