لاہور(سپورٹس ڈیسک )پاکستان کرکٹ بورڈ کے زیر اہتمام راولپنڈی میں جاری نیشنل ٹی ٹونٹی کپ کے 17ویں میچ میں ناردرن نے خیبر پی کے کو 14رنز سے شکست دیدی ۔ ناردرن نے پہلے کھیلے ہوئے 7وکٹوں کے نقصان پر 181رنز بنائے ۔ ناصر نواز چوبیس ‘علی عمران صفر ‘حیدر علی صفر ‘عمر امین ستائیس ‘محمد نواز اکاون ‘کپتان شاداب خان چھیالیس‘آصف علی اکیس رنز بناکر آئوٹ ہوئے ۔ شاہین شاہ آفریدی نے دو کھلاڑیوں کو آئوٹ کیا ۔ جواب میں خیبر پی کے کی ٹیم 8وکٹوں کے نقصان پر 167رنز بناسکی ۔ کپتان محمد رضوان سترہ ‘اسرار اللہ پچیس ‘صاحبزادہ فرحان تیرہ ‘افتخار احمد اٹھاون ‘آصف آفریدی اکیس ‘مصدق احمد دو ‘عادل امین دو ‘محمد عمران پانچ رنز بناسکے ۔ شاہین شاہ آفریدی تیرہ رنز پر ناٹ آئو ٹ رہے ۔ حارث رئوف نے تین ‘محمد نواز نے دو کھلاڑیو کوآئوٹ کیا ۔محمد نواز کو میچ کا بہترین کھلاڑی قرار دیا گیا ۔ دوسرے میچ میں سنٹرل پنجاب نے سدرن پنجاب کو سات وکٹوں سے شکست دیدی ۔ سدرن پنجاب کی ٹیم 119رنز پر ڈھیر ہو گئی ۔آغا سلمان چالیس ‘اعظم خان پینتالیس رنز بناکر نمایاں رہے ۔9کھلاڑی ڈبل فگرمیں بھی داخل نہ ہوسکے ۔ حسن علی نے چار ‘فہیم اشرف نے تین کھلاڑیوں کو آئوٹ کیا ۔ سنٹرل پنجاب نے ہدف 17.2اوورز میں تین وکٹوں پرپورا کرلیا ۔ کپتان بابر اعظم نے 59رنز کی ناقابل شکست اننگز کھیلی۔ کامران اکمل نے اٹھائیس رنز بنائے ۔ حسان خان نے دو کھلاڑیوں کو آئوٹ کیا ۔ فہیم اشرف کو میچ کابہترین کھلاڑی قرار دیا گیا ۔