کو ٹ ادومیں یونیورسٹی اورمدراینڈچائلڈ ہسپتال کی تعمیر جلد شروع ہو گی:ڈاکٹر شبیر

کوٹ ادو(خبرنگار) وزیر مملکت برائے ہاؤسنگ اینڈ ورکس ڈاکٹر میاں شبیر علی قریشی نے کہا ہے کہ حکومت دور افتادہ بستیوں دیہات کو بجلی فراہم کرنے کے لئے تیزی سے کام کررہی ہے,بہت جلد کو ٹ ادو یونیورسٹی اور مدر اینڈ چائلڈ ہاسپٹل کا کام شروع کر دیا جائیگا ،ان خیالات کا اظہار انہوں نے دری29ہزار بستی موہانہ میں بجلی فراہم کرنے کے منصوبے کا افتتاح کے بعد میڈیا سے گفتگوکرتے ہوئے کیا،اس موقع پرسابق ممبر ضلع کونسل میاں رفیق احمدقریشی، سابق ناظم ملک طاہر محمود پتل، میاں احسن علی قریشی، پیر ماجد گیلانی ودیگر موجود تھے،انہوں نے کہا کہ حکومت جنوبی پنجاب کو بھرپور وسائل دیکر ترقی کی راہ پر گامزن کررہی ہے