لاہور (این این آئی)سات میچز کی ٹی ٹوئنٹی سیریز اپنے نام کرنے کے بعد انگلینڈ کرکٹ اسکواڈ واپسی کیلئے روانہ ہوچکا ہے تو دوسری جانب انگلینڈ کرکٹ بورڈ نے پاکستان کا شکریہ ادا کیا ہے انگلینڈ بورڈ کی جانب سے مختلف تصاویر شیئر کرتے ہوئے پاکستان اور کرکٹ فینز کا شکریہ ادا کیا گیا۔تصاویر میں کرکٹ فینز کو انگلینڈ کا جھنڈا اٹھائے تو کہیں ٹیم سے محبت کا اظہار کرتے دیکھا جاسکتا ہے۔انگلش کرکٹ بورڈ نے پاکستان کا شکریہ ادا کرتے ہوئے لکھا کہ 17 سال کے انتظار کے بعد قابل تعریف سیریز رہی اور پاکستان کے لوگوں نے والہانہ استقبال کیا۔ انگلینڈ کے کھلاڑی بھی سوشل میڈیا پر پیغامات کے ذریعے پاکستان کا شکریہ ادا کرنا نہ بھولے۔
انگلش بلے باز ڈیوڈ ملان نے بھی پاکستان کا شکریہ ادا کرتے ہوئے سیریز کی تعریف کی اور لکھا کہ پاکستان میں سکیورٹی کے انتظامات بہترین تھے، یہاں کھیلنے کا تجربہ اچھا رہا۔بین ڈکٹ نے بھی کھلاڑیوں کے ہمراہ تصویر شیئر کرتے ہوئے پاکستان کا شکریہ ادا کیا۔