افغان سرحد سے ایک لاکھ ریال برآمد‘ اسلحہ کی کھیپ بھی پکڑی گئی

طورخم (نوائے وقت رپورٹ) صوبہ خیبر پی کے میں محکمہ کسٹم کی ٹیم نے دوران چیکنگ طورخم سرحدی گزر گاہ پر مسافر سے ایک لاکھ سعودی ریال برآمد کر لئے۔ کسٹم حکام کے مطابق ملزم پاکستان سے افغانستان سعودی ریال سمگل کر رہا تھا۔ ملزم کو گرفتار کر کے مزید تفتیش کی جا رہی ہے۔ علاوہ ازیں چاغی کے علاقے میں پاک افغان سرحد پر لیویز فورس نے کارروائی کی اور اسلحہ کی کھیپ برآمد کر لی۔ لیویز حکام کے مطابق کارروائی کے دوران 2 افراد گرفتار جبکہ 100 پستول برآمد کر لئے۔