اسلام آباد (خبر نگار خصوصی) آئی ایس پی آر کے مطابق سکیورٹی فورسز نے ٹانک میں خفیہ اطلاع پر آپریشن کے دوران دس دہشتگرد ہلاک کر دیئے۔ آپریشن ضلع ٹانک کے علاقے پینرو میں کیا گیا۔ آپریشن کے دوران سکیورٹی فورسز اور دہشتگردوں میں شدید فائرنگ کا تبادلہ ہوا۔ دہشت گردوں کی موجودگی کی خفیہ اطلاع پر آپریشن کیا گیا۔ ہلاک دہشت گرد سکیورٹی فورسز کے خلاف متعدد دہشتگرد کارروائیوں، بھتہ خوری اور بے گناہ شہریوں کے قتل میں ملوث تھے۔ ہلاک دہشت گردوں کے قبضے سے اسلحہ و گولہ بارود کا بڑا ذخیرہ برآمد کرلیا گیا۔