شیرانوالہ گیٹ، پٹرول پمپ پر کھڑے آئل ٹینکر میں آتشزدگی، 3 کاریں، 2 موٹر سائیکل تباہ

لاہور (نامہ نگار) سرکلر روڈ پر نجی پٹرول پمپ پر کھڑے آئل ٹینکر میں اچانک آگ بھڑک اٹھی جس کی زد میں آکر آئل ٹینکر، 3کاریں اور 2 موٹر سائیکلیں جل کر تباہ ہوگئیں اور پٹرول پمپ کو بھی نقصان پہنچا ہے۔ آتشزدگی سے علاقے میں شدید خوف و ہراس پھیل گیا۔ آگ کے شعلے اتنے بلند تھے کہ دور دور تک دکھائی دیتے رہے اور لوگوں میں شدید خوف و ہراس پھیل گیا۔ اطلاع ملنے پر ریسکیو ٹیموں نے موقع پر پہنچ کر امدادی کارروائیاں کرتے ہوئے آگ پر قابو پا لیا ہے۔ پولیس کی بھاری نفری بھی جائے وقوعہ پر موجود تھی اور لوگوں کو وہاں سے دور کرتی رہی جبکہ کسی جانی نقصان کی اطلاع نہیں ملی ہے۔