لاہور (سپورٹس رپورٹر)پریذیڈنٹ ون ڈے کپ کے پہلے روز کھیلے گئے چار میچوں میں غنی گلاس‘سٹیٹ بینک‘ پی ٹی وی اور واپڈا نے کامیابی حاصل کرلی۔ غنی گلاس کے طیب طاہر‘ایس این جی پی ایل کے حسیب اللہ ‘پی ٹی وی کے عماد بٹ اور واپڈا کے محمد عارف نے  سنچریاں سکور کیں۔ لاہور میں غنی گلاس نے دفاعی چیمپئن ایس این جی پی ایل کو کم روشنی کے سبب ڈک ورتھ لوئس قانون کے تحت 19  رنزسے شکست دیدی۔ایس این جی پی ایل نے 8  وکٹوں پر306 رنز بنائے۔ حسیب اللہ نے128 ‘عمیربن یوسف نے 82 رنز بنائے  دونوں نے دوسری وکٹ کی شراکت میں155 رنز کا اضافہ کیا۔عبیدشاہ نے 4  وکٹیں حاصل کیں۔غنی گلاس نے جواب میں 45  اوورز میں 3  وکٹوں پر 273 رنز بنائے تھے۔ طیب طاہر نے 128  رنز بنائے اور آؤٹ نہیں ہوئے۔ انہوں نے حسین طلعت کیساتھ تیسری وکٹ کی شراکت میں 180 رنز کا اضافہ کیا۔حسین طلعت نے 79 رنز کی اننگز کھیلی۔اسلام آباد میں سٹیٹ بینک نے ہائر ایجوکیشن کو 9  وکٹوں سے ہرادیا۔ہائر ایجوکیشن کی ٹیم 111  رنز بناکر آؤٹ ہوگئی۔عالیان محمود اور ایکسٹرا کے 24‘ 24 رنز سب سے زیادہ تھے۔محمد فیضان نے5 وکٹیں حاصل کیں۔سٹیٹ بینک نے ہدف ایک وکٹ پر پورا کرلیا۔محمد فیضان نے 84 رنز بنائے اور آؤٹ نہیں ہوئے۔ فیصل آباد میں پی ٹی وی نے او جی ڈی سی کو کم روشنی کے سبب ڈک ورتھ لوئس قانون کے تحت 31 رنز سے شکست دیدی۔ پی ٹی وی نے 8  وکٹوں پر 320 رنز بنائے۔عماد بٹ نے105 رنز بنائے۔ فہیم اشرف نے88 ‘جہانداد خاننے 51 رنز بنائے۔محمد عمر نے تین وکٹیں حاصل کیں۔او جی ڈی سی نے جواب میں پنتالیس اوورز میں سات وکٹوں پر 250 رنز بنائے تھے۔ایبٹ آبادمیں واپڈا نے کے آر ایل کیخلاف 8 وکٹوں سے کامیابی حاصل کی۔کے آر ایل کی ٹیم  238 رنز بناکر آؤٹ ہوگئی۔معاذ صداقت 74 رنز کیساتھ ٹاپ سکورر رہے۔ محمد ذیشان اور علی رضا نے تین تین وکٹیں حاصل کیں۔واپڈا نے دو وکٹوں پر ہدف حاصل کرلیا۔محمد عارف نے ناقابل شکست100 ‘افتخار احمد نے 56  رنز بنائے۔ دونوں نے تیسری وکٹ کی شراکت میں107 رنز کا اضافہ کیا۔