لاہور(سپورٹس رپورٹر)انگلینڈ کے سابق ٹیسٹ کرکٹر سٹورٹ براڈ نے پاکستان سے  ٹیسٹ سیریز کو مشکل چیلنج قرار دیدیا،سابق ٹیسٹ کرکٹر سٹورٹ براڈ نے کہا کہ اگرچہ پاکستان ٹیم ان دنوں بہترین کرکٹ نہیں کھیل رہی لیکن اس کے باوجود پاکستان کیخلاف ٹیسٹ سیریز ایک آسان چیلنج نہیں ہے۔ انہوںنے پیشگوئی کی کہ انگلینڈ کا جارحانہ انداز پاکستان کے خلاف ٹیسٹ سیریز میں کام کریگا، انگلینڈ کے بیٹرز کو بائونڈریز ملتی ہیں اور وہ سپن سے نہیں پھنستے ۔انہوں نے انگلش کھلاڑیوں کو مشورہ دیا کہ انگلینڈ کو تیز رفتار کرکٹ کھیلنا پڑیگی تاکہ نتائج حاصل کیے جا سکیں۔پاکستان ٹیم بہترین کرکٹ نہیں کھیل رہی، مشکلات سے دوچار ہے، انگلینڈ کو مثبت کرکٹ کھیلنا ہے اور جلد از جلد پاکستان ٹیم کو دبائو میں لانا ہوگا۔انہوں نے تسلیم کیا کہ ہم سب جانتے ہیں پاکستان کے پاس ورلڈ کلاس ٹیلنٹ ہے، ایسے کھلاڑی ہیں جو میچ جتوا سکتے ہیں اس لیے یہ ایک آسان چیلنج نہیں ہوگا۔ 2022ء میں انگلینڈ کا دورہ پاکستان بڑا شاندار رہا تھا ، تمام کھلاڑی دورہ پاکستان میں لطف اندوز ہو ئے تھے اور بیٹنگ گروپ سپن کیلئے اچھا ثابت ہوا تھا۔