کامونکی(نمائندہ خصوصی) تین ڈاکو کار سوار فیملی سے ہزاروں روپے اور طلائی زیور چھین کر فرار ہوگئے، بتایا گیا ہے کہ گزشتہ روز زبیر جٹ سکنہ گورالہ،اپنے باپ اور والدہ کے ہمراہ بذریعہ موٹر وے لاہور جارہا تھا کہ واہنڈو انٹر چینج کے قریب تین ڈاکو زبیر سے پانچ ہزار، لیاقت سے اٹھارہ ہزار جبکہ زبیر کی والدہ سے پانچ ہزار روپے نقدی رقم اور آدھا تولہ طلائی زیورلوٹ لئے۔ جبکہ یہی ڈاکو بعدازاں موٹر سائیکل سوار ابو ہریرہ رحیم پور اور اسکے دوست سے سولہ ہزار روپے اور دو موبائل فون چھین کر فرار ہوگئے۔