لاہور(خبرنگار)ڈی سی لاہور سید موسیٰ رضا نے داتا دربار، سگیاں پل ،علامہ اقبال زون اور اطراف میں صفائی ستھرائی اقدامات کا جائزہ لیا۔ چیف آفیسر میٹرو پولیٹن کارپوریشن شاہد عباس کاٹھیا، اسسٹنٹ کمشنر سٹی رائے بابر، سی او ایل ڈبلیو ایم سی و دیگر بھی ڈی سی لاہور کے ہمراہ تھے۔ انہوں نے ایل ڈبلیو ایم سی کو صفائی ستھرائی کے مناسب انتظامات کی ہدایت کی اور کہا ایل ڈبلیو ایم سی ورکرز صفائی ستھرائی کے بعد بھی صفائی کو برقرار رکھنے میں اپنا اہم کردار ادا کریں۔ انفورسمنٹ ٹیم تجاوزات کا خاتمہ یقینی بنانے کیلئے موقع پر موجود ہو اور داتا دربار پارکنگ سٹینڈ پر عام شہریوں کی سہولت کیلئے پارکنگ فیس نمایاں جگہ پر آویزاں ہونی چاہیے۔