فیروزوالہ+ فیصل آباد+ گجرات+ اوکاڑہ (نمائندگان)  مختلف واقعات میں بچے سمیت 6 خواتین کو زیادتی کا نشانہ بنا دیا گیا۔ تفصیلات کے مطابق کوٹ عبدالمالک کے قریب رکشہ ڈرائیور فیصل نے خاتون کو بہانے سے رکشہ میں بٹھا کر ویران جگہ پر لے جا کر اس کے ساتھ زبردستی زیادتی کر ڈالی۔ پولیس نے مقدمہ درج کر لیا۔ جبکہ گاؤں مکی میں اوباشوں نے خاتون کو اجتماعی زیادتی کا نشانہ بنا ڈالا۔ فیصل آباد میں بٹالہ کالونی کے علاقہ میں پانچ سالہ بچے کو اوباش ملزم جون مسیح نے اور  تھانہ مدینہ ٹاؤن کے علاقہ میں زرقا عرف مونی وغیرہ چار ملزموں  لڑکی (ط) کو اجتماعی زیادتی کا نشانہ بنا دیا۔ تھانہ صدر کے علاقہ میں 25 سالہ لڑکی کو اوباش ملزم نعیم نے زیادتتی کا نشانہ بنا دیا۔ تھانہ صدر جڑانوالہ کے علاقہ 122 گ ب میں اوباش ملزم عمر نے زیادتی کا نشانہ بنا دیا۔ تھانہ صدر تاندلیانوالہ کے علاقہ میں نوید وغیرہ تین اوباش ملزموں نے لڑکی کو زیادتی کا نشانہ بنا دیا۔ ڈائریکٹر ویسٹ مینجمنٹ گجرات کے خلاف شادی کا جھانسہ دے کر دوشیزہ سے زیادتی کا مقدمہ درج کر لیا۔ اوکاڑہ تھانہ بی ڈویژن کی حدود میں ملزم عمیر نے دوست سے زیادتی کی اور اس کی ویڈیو بھی بنا ڈالی۔ ویڈیو کے ذریعے بلیک میل کرتا رہا۔