برٹش ایئرویز نے جمعرات کو کہا کہ شرقِ اوسط میں کشیدگی بڑھنے کے باعث اس نے رواں ماہ کے آخر تک لندن-تل ابیب کی سروس معطل کر دی گئی ہے۔
کمپنی نے اعلان کیا، "ہم نے ہفتہ 26 اکتوبر 2024 تک تل ابیب کے لیے اپنی پروازیں منسوخ کرنے کا انتظامی فیصلہ کیا ہے۔ ایئر لائن لندن ہیتھرو سے تل ابیب کے لیے روزانہ واپسی کی پرواز چلاتی تھی۔آئرش مسافر بردار ریان ایئر نے بھی جمعرات کو کہا کہ اس نے کم از کم جنوری اور غالباً مارچ کے آخر تک اسرائیل کے لیے پروازیں معطل کر دیں۔یہ اردن کے دارالحکومت عمان کے لیے بھی اپنی ہفتہ وار چار پروازیں – دو میڈرڈ سے اور دو بیلجیم کے شارلیروئے سے – اکتوبر کے آخر تک روک رہی ہے۔سی ای او مائیکل اولیری نے کہا، "ہم معذرت خواہ ہیں لیکن۔۔ ہم اپنے ہوائی جہاز کے عملے یا مسافروں کے شرقِ اوسط کے اس علاقے میں سفر کرنے کا خطرہ مول نہیں لے سکتے۔"انہوں نے مزید کہا، "اگر جنگ بندی ہو جائے تو ہم بہت جلد تل ابیب اور عمان کے لیے اپنی پروازیں دوبارہ شروع کر دیں گے۔ ہم تل ابیب اور اردن دونوں کے لیے واپسی کے بہت خواہش مند ہیں۔
