کراچی کے علاقے حسن اسکوائرکے انڈر پاس کے قریب نامعلوم گاڑی کی ٹکر سے موٹر سائیکل سوار خالد اس کی بیوی بینش اور ان کا پانچ سالہ بچہ زخمی ہوگیا۔ تینوں زخمیوں کو عباسی شہید اسپتال منتقل کیا گیا جہاں دونوں میاں بیوی زخموں کی تاب نہ لاتے ہوئے جاں بحق ہوگئے تاہم بچے کی حالت خطرے سے باہر ہے۔ دوسری جانب مائی کولاچی روڈ پر تیز رفتار کار نے نامعلوم راہگیر کو ٹکر ماردی جس سے وہ موقع پر ہی ہلاک ہوگیا۔ پولیس کے مطابق ہلاک ہونے والے شخص کی شناخت نہیں ہوسکی۔