پاکستان اور زمبابوے کے درمیان پہلے ٹیسٹ کے پہلے دن زمبابوے نے ٹاس جیت کر پاکستان کو پہلے کھیلنے کی دعوت دی اور پاکستان نے ایک بڑا سکور بنانے کا چانس ضائع کر دیا اور کھیل ختم ہونے پر 9 وکٹوں کے نقصان پر 249 رنز بنا لئے یہ تو پاکستان کی خوش قسمت کہی جا سکتی ہے کہ جنید خان اور سعید اجمل کی عمدہ  بیٹنگ کی وجہ سے  نویں وکٹ پر نصف سنچری سے زیادہ کی پارٹنر شپ بن گئی۔ پاکستان نے عمدہ ٹیم  میدان میں اتاری مگر جب3 وکٹ 27 رنز پر گر گئیں تو پاکستانی  اننگز کا خاتمہ جلد نظر آ رہا تھا کہ اظہر علی مصباح الحق کی نصف سنچریاں اور سعید اجمل کے شاندار 49 رنز ناٹ آؤٹ کی وجہ سے ایک درمیانہ سکور بنانے میں کامیاب ہو گیا۔ اتنے سکور میں پاکستان فائیٹ کر سکتا ہے۔ پاکستان کے تقریباً ہر بیٹسمین نے اپنی وکٹ اپنی غلطی سے گنوائی۔ مصباح الحق، اسد شفیق اور عرفان، اکمل کی گندی شارٹ دیکر شرم محسوس ہوئی۔ میرے خیال میں پاکستانی کھلاڑیوں نے زمبابوے کو  بہت آسان لیا جو مصیبت کا باعث بنا ۔ ناصر جمشید، عمر اکمل اور محمد عرفان کی ٹیم میں  نہ دیکھ کر افسوس ہوا ۔ان تینوں کو ٹیسٹ ٹیم سے باہر رکھ کر زیادتی کی انتہاء کی گئی ہے۔ اب تک کی صورتحال کو دیکھتے ہوئے کہا جا سکتا ہے کہ پاکستان اس ٹیسٹ میں واپس آئیگا اور پاکستان کا عمدہ باؤلنگ اٹیک اتنے کم سکور میں بھی لیڈ لینے کے قریب ہوگا۔