فیروز والہ (نامہ نگار) فیروز والہ کے علاقوں شرقپور روڈ اور کالاخطائی روڈ پر ٹریفک حادثات میں تین افراد جاں بحق اور چھ افراد زخمی ہوگئے جن کو طبی امداد کے لئے ہسپتال داخل کرادیا اور زخمیوں کی حالت نازک بیان کی جاتی ہے۔ کالاخطائی روڈ پر دو تیز رفتار موٹر سائیکلیں آپس میں ٹکرا گئیں جس کے نتیجہ میں دو نوجوان سجاول اور حبیب احمد جاں بحق جبکہ دو افراد زخمی ہوگئے۔ شرقپور روڈ پر رکشہ اور موٹر سائیکل کے درمیان تصادم میں موٹر سائیکل سوار فضل جاں بحق جبکہ چار افراد زخمی ہوگئے۔ جن کو طبی امداد کے لئے ہسپتال داخل کرا دیا گیا۔