ملتان(سپیشل رپورٹر) مسلم لیگ ن کے جنرل کونسل کے ممبر اور ملتان سٹی کے نائب صدر وسیم اکرم میئو نے کہا ہے کہ مسلم لیگ ن کے صدر میاں شہباز شریف جانثار کارکنوں کو آگے لائیں ہر ضلع وسٹی کے کارکنوں کو ملاقات کا ٹائم دیں اور ان کے بھیجے گئے خطوط کا جواب دینے کا سلسلہ شروع کریں یہ بات انہوں نے مسلم لیگ نے کے صدر میاں شہباز شریف کو لکھے گئے خط میں کہی وسیم اکرم میئو نے اپنے خط میں لکھا کہ مسلم لیگ ن کی قیادت نے دس سالہ حکمرانی میں پارٹی کے جانثار کارکنوں کو نظرانداز کیا اور مفادپرستوں کو نوازا اور آج مشکل حالات میں کروڑوں کے مفادات حاصل کرنے والے رفو چکر ہوچکے ہیں میاں نواز شریف کے جانثار کارکن آج بھی ڈٹ کر کھڑے ہیں اور حالات کا ہرطرح سے مقابلہ کررہے ہیں۔