وہاڑی(نمائندہ نوائے وقت) ڈپٹی کمشنر کیپٹن (ر) وقاص رشید نے کہا ہے کہ کلین اینڈ گرین مہم کی کامیابی کو عملی جامہ پہنا یا جا رہا ہے میونسپل کمیٹی کا عملہ پودوں کی نگہداشت پر خصو صی توجہ دے رہا ہے جس کیلئے پودوں کو باقاعدگی سے پانی دینے کا سلسلہ جاری ہے تاکہ پودے جلد تناور درخت بن کرماحول کو ساز گار بنانے میں معاون ثابت ہوں ۔ انہوں نے مزید کہا کہ میونسپل کمیٹی کے افسران و ملازمین کلین اینڈ گرین مہم کے تحت پودے لگانے ، پودوں کی نگہداشت اورشہر کو صاف ستھر ا رکھنے میں کاوشیں جاری رکھے ہوئے ہیں میونسپل کمیٹی کے افسران و ملازمین کی خدمات قابل تحسین ہیں قبل ازیںڈپٹی کمشنر نے کہا ہے کہ حکو مت پنجاب کی ہدایت پر آوارہ کتوں کی تلفی مہم جاری ہے۔