یوم دفاع: پاک فضائیہ کے ملی نغمے کا ٹیزر اور مختصر دستاویزی فلم کی چوتھی قسط جاری

اسلام آباد (اے پی پی) یومِ دفاع کی مناسبت سے پاک فضائیہ کے ملی نغمے کا ٹیزر جاری کر دیا گیا۔ پاک فضائیہ کے ترجمان کے مطابق نغمے کو ملک کے معروف اور نامور گلوکار علی ظفر نے گایا ہے جس میں جذبہ حب الوطنی کو اجاگر کیا گیا ہے اور اس عہد کی تجدید کی گئی ہے کہ پاک فضائیہ کا ہر فرد پوری قوم کے شانہ بشانہ وطن عزیز کی ترقی اور خوشحالی میں اپنا بھرپور کردار ادا کرے گا۔ ترجمان کے مطابق پاک فضائیہ کے سپوتوں کی جرات و بہادری پر بننے والی ڈاکو منٹری کی چوتھی قسط بھی جاری کی ہے۔ اس دستاویزی فلم میں 3 ستمبر 1965 کے دن فضائی معرکے کا احوال بیان کیا گیا ہے۔