ملتان (سپورٹس ڈیسک) ڈسٹرکٹ صوابی میںدوسری کھیلوںکی طرح کرکٹ کے فروغ اور گراس روٹس لیول پرٹیلنٹ کی تلاش کیلئے انٹر اکیڈمی کرکٹ لیگ کا آغازہوگیا،افتتاح کے موقع پر ٹیموں کے کھلاڑیوں میں کٹس بھی تقسیم کی گئی ،جبکہ میچزآج سے شرو ع ہونگے،ایونٹ کاافتتاح پی سی بی کے گورننگ بورڈ ممبر عامر نواب ،سپیکر قومی اسمبلی اسد قیصرکے نمائندہ برائے کھیل حاجی مطیع اللہ اور ڈی ایس اوصوابی طارق محمد نے کیا۔یاسر شاہ کرکٹ گرائونڈشاہ منصورٹائون میں منعقدہ یہ لیگ دس روزتک جاری رہے گاجن میں چار ٹیمیں حصہ لیں گی اور ان چاروں میں مختلف اکیڈمیز میں زیر تربیت کرکٹرزشامل ہیں ،ڈسٹرکٹ انٹر اکیڈمیز لیگ سے بہترین کرکٹرزسامنے آئینگے،یہ پہلاموقع ہے کہ اس قسم کے میگاایونٹ میںکرکٹ اکیڈمیوں کے کھلاڑیوں کو موقع دیدیاگیاہے افتتاحی تقریب میں تمام چار ٹیموںاور انکے آفیشلزکوخصوصی کٹس فراہم کردیئے گئے ۔