گوجرانوالہ(نمائندہ خصوصی) تھانہ باغبانپورہ کے علاقہ میں مبینہ پولیس مقابلے کے دوران حیدر سکوارڈ کا نوجوان اور ایک ڈاکو زخمی ، دیگر ساتھی فرار زخمی ہونیوالے ڈاکو کی شناخت قیصر کے نام سے ہوئی ملزم نے گزشتہ سال ایس ایچ او باغبانپورہ کو فائر مار کر زخمی کیا تھا ۔ تھانہ باغبانپورہ کے علاقہ نوشہرہ روڈ پر حید ر سکوارڈ نے موٹر سائیکل سوار دو افراد کو رکنے کا اشارہ کیا تو ملزمان نے پولیس پارٹی پر فائرنگ کر دی پولیس نے بھی اپنے بچائو کی خاطر جوابی فائرنگ کی جس کے نتیجہ میں حیدر سکوارڈ کا نواجون محمد بوٹا اور ڈاکو زخمی ہو گئے جبکہ ڈاکو کا دوسرا ساتھی موقع سے فرار ہونے میں کامیاب ہو گیا اطلاع ملنے پر ایس پی سٹی شہزادہ عمر عباس اور پولیس کی بھاری نفری موقع پر پہنچ گئی ، زخمی اہلکار اور ڈاکو کو ڈسٹرکٹ ہسپتال منتقل کر دیا ڈاکو کی شناخت قیصر بٹ کے نام سے ہوئی ہے جس نے گزشتہ سال سابق ایس ایچ او باغبانپورہ انسپکٹر عارف خاں کو فائرنگ کر کے زخمی بھی کیا تھا تاہم ملزم سے مزید تفتیش جاری ہے ۔