کراچی (اسپورٹس ڈیسک) اداکارہ جویریہ عباسی کی ساڑھی پہنے باسکٹ بال کھیلتے ویڈیو سوشل میڈیا پر وائرل ہوگئی۔ جویریہ عباسی کی انسٹاگرام پر ایک ویڈیو وائرل ہوئی جس میں ان کو باسکٹ بال کورٹ میں کھیلتے ہوئے دیکھا جاسکتا ہے، اداکارہ نے یہ ویڈیو اپنے آفیشل انسٹا گرام اکانٹ پر پوسٹ کی اور اس کے کیپشن میں لکھا کہ ’’ کبھی ہار نہ مانیں ‘‘۔ ویڈیو میں دیکھا جاسکتا ہے کہ اداکارہ نے سبز رنگ کی ساڑھی پہنی ہوئی ہے جبکہ ان کے ساتھ کچھ دیگر افراد بھی موجود ہیں۔ اداکارہ کی ویڈیو سامنے آنے پر سوشل میڈیا صارفین کی جانب سے اس کو خوب پسند کیا گیا۔