لاہور(سپورٹس رپورٹر)اٹلی میں جاری ورلڈ بیچ ریسلنگ کے مقابلے میں پاکستانی ریسلر انعام بٹ نے دوسری فتح بھی حاصل کرلی۔ انعام بٹ کا پہلا مقابلہ یوکرین کے ریسلر کیساتھ ہوا۔انعام بٹ نے مخالف کھلاڑی کو بآسانی زیر کر کے ایونٹ کی فتح اپنے نام کی۔ایک گھنٹے بعد انعام بٹ کی دوسری فائٹ یونانی ریسلر کے ساتھ ہوئی، اس مقابلے میں بھی انہوں نے فتح اپنے نام کی۔یونانی ریسلر جورجز سکناکس کو شکست دے کر انعام بٹ نے کوارٹر فائنل تک رسائی حاصل کرلی ہے، آج وہ کوارٹر فائنل کیلئے ترکی کے ریسلر کے مدمقابل ہوں گے۔کوارٹر فائنل میں فتح حاصل کرنے والے کھلاڑی کو آج ہی سیمی فائنل کھیلنا ہوگا، جس کے بعد ورلڈ بیچ ریسلنگ کا فائنل کھیلا جائیگا۔