پی ڈی ایم کو چیلنج‘ ہمت ہے تو گجرات میں ایسا جلسہ کرکے دکھائو: مونس الٰہی 

لاہور (نیوز رپورٹر) سابق وفاقی وزیر مونس الٰہی نے کہا ہے کہ گجرات کے عوام نے اپنے ہردلعزیز کپتان کو بے پناہ محبت دی جس میں گجرات کے لوگوں کا شکریہ ادا کرتا ہوں۔ ایک بیان میں مونس الٰہی نے کہا کہ 13 جماعتوں کا غیر فطری اتحادالٹا بھی ہو جائے‘ اس کا چوتھائی حصہ جلسہ بھی نہیں کر سکتا۔ پی ڈی ایم میں شامل 13 جماعتوں کو کھلا چیلنج کرتے ہوئے کہا کہ ہمت ہے تو سامنے آئواور ظہور الٰہی سٹیڈیم میں ایسا جلسہ کرکے دکھائو۔