قصور(نمائندہ نوائے وقت)چونیاں میں 13 روز قبل دوران ڈکیتی ڈاکوؤں کی فائرنگ سے شدید زخمی ہونے والا شخص گزشتہ روز ہسپتال میں دم توڑ گیا۔ کھوکھر اشرف روڈ چونیاں میں 22 اگست کی شام دو ڈاکووں نے کوٹ عالم والا کے رہائشی حکیم امجد علی سے پرس اور موبائل چھین لیا تھا جب مقتول نے اپنا شناختی کارڈ واپس مانگا تو ڈاکوؤں نے اس گولی مار دی جسے علاج کے لیے ہسپتال منتقل کردیا گیا مگر گزشتہ شام وہ زخموں کے تاب نہ لاتے ہوئے جاں بحق ہو گیا۔