لاہور(کلچرل رپورٹر) اداکارہ مہوش حیات نے عالمی اداروں اور دنیا بھر کے لوگوں سے اپیل کی ہے کہ وہ بے گھر لاکھوں پاکستانیوں کی مدد اور بحالی کیلئے آگے آئیں اور سیلاب سے متاثرہ پاکستانی علاقوں میں مدد کریں۔ لاکھوں لوگ تاحال بے گھر ہیں اور وہ کھلے آسمان تلے زندگی گزارنے پر مجبور ہیں۔ سیلاب سے متاثرہ افراد غذائی قلت سمیت صحت کی سہولیات سے بھی محروم ہیں اور اس وقت ان کیلئے ایک گولی اور ایک روپے کی مدد بھی ان کے بہت کام آ سکتی ہے۔