لاہور (خصوصی نامہ نگار)نائب امیر جماعت اسلامی راشد نسیم نے کہا ہے کہ لوگ سوال کرتے ہیں کہ جماعت اسلامی 82سال سے جدوجہد کر رہی ہے۔ وہ اقتدار میں کیوں نہیں آئی جب کہ حقیقتاً یہ سوال ہونا چاہیے کہ جو لوگ گزشتہ 7 دہائیوں سے ملک پر قابض ہیں۔ انھوں نے ملک و قوم کیلئے کیا خدمت کی۔ سوائے اس کے کہ آئی ایم ایف اور ورلڈ بنک کی غلامی کا طوق اپنے اور قوم کی گردنوں میں ڈالا۔ یہی نتیجہ ہے کہ آج ہر شہری پریشان ہے، مہنگائی نے جینا دوبھر کر دیا ہے۔