لاہور(خصوصی نامہ نگار)جے یو آئی لاہور شہر کے زیر اہتما م سکیم موڑ ملتان روڈ سے وحدت روڈ کرکٹ گراوَنڈ تک استحکام پاکستان و تحفظ ختم نبوت موٹر سائیکل عظیم الشان ریلی گئی جس کی قیادت مولانا محمد امجد خان،مفتی عبد الحفیظ،بلال احمد میر،محمد افضل خان،حافظ بلال احمد درانی،حافظ غضنفر عزیز،مولانا عبد النعیم،مولانا سلیم اللہ قادری،حاجی عرفان شجاع بٹ،حافظ شفیق الرحمن اور دیگر نے کی۔قوم یوم دفاع پاکستان اور یوم دفاع ختم نبوت بھر پور جوش وجذبے کے ساتھ منائے گی۔ 6ستمبر کو وحدت روڈ گرائونڈ میں تاریخ ساز تحفظ ختم نبوت کانفرنس ہوگی جس میں لاکھوں عاشقان رسولؐشریک ہوں گے اور ختم نبوت اور پاکستان کے خلاف ہرسازش کا مقابلہ کرنے کا عہد کریں گے۔مقررین نے خطاب کرتے ہوئے کہا یوم دفاع پاکستان ان عظیم اور لازوال قربانیوں کی یاددلاتاہے جو پاکستان کے بہادر عوام نے افواج پاکستان کے شانہ بشانہ کھڑے ہوکر دشمنوں کے خلاف تاریخ ساز جنگ لڑی۔ 6ستمبر کوانڈیا کے عزائم پاک فوج کے جوانوں نے خاک ملائے اور7ستمبر کوختم نبوت کے باغیوں کے خلاف عاشقان مصطفیؐ نے عظیم کا میابی حاصل کی۔