کراچی (اسپورٹس ڈیسک) ریجنل کرکٹ ایسوسی ایشن کراچی کے زیر اہتمام اور اے ایس نیچرل اسٹون کے تعاون سے انڈر 13 انٹرزونل کرکٹ ٹورنامنٹ  کی افتتاحی تقریب پیر 4 ستمبر 2023 کو دوپہر ایک بجے دن کے سی سی اے اسٹیڈیم پر منعقد ہوگی۔اس کا اعلان جاوید احمد خان سیکرٹری ریجنل کر کٹ ایسو سی ایشن کراچی نے کیا انہوں نے مزید کہا کہ ا س موقع پر عبد الستار پروپرائٹر اے ایس نیچرل اسٹون مہمان خصوصی ہونگے جو کہ باقاعدہ ٹورنامنٹ کا افتتاح کریں گے۔ جبکہ تقریب کی صدارت ندیم عمر صدر آر سی اے کراچی کریں گے۔  تمام منتخب شدہ کھلاڑیوں کو ھدایت کی جاتی ہے کہ وہ اپنے اپنے زونز کے عہدے داران کے ساتھ وائٹ کٹ میں جوائنٹ سیکرٹری محمد توصیف صدیقی اور چیر مین ٹورنامنٹ کمیٹی خالد نفیس  کو رپورٹ کر یں۔