یوتھ ٹیلنٹ ہنٹ بیڈ منٹن اسپورٹس لیگ کے ٹرائلز آج شروع ہونگے

کراچی (اسپورٹس ڈیسک )پرائم منسٹر پروگرام یوتھ اسپورٹس کے تحت ایچ ای سی،آئی بی اے سکھراور اقرا یونیورسٹی کے زیر انتظام یوتھ اسپورٹس لیگ کے سلسلے میں سندھ کی بوائز اور گرلز بیڈ منٹن ٹیموں کی تشکیل کیلئے دوروزہ  ٹرائلز آج سے کراچی میں شروع ہو رہے ہیں۔این ای ڈی یونیورسٹی کراچی میں شیڈول کئے گئے مینز اور ویمنزکے ٹرائلز کی افتتاحی تقریب میں وائس چانسلر اقرا یونیورسٹی ڈاکٹر سید وسیم قاضی مہمان خصوصی ہونگے جبکہ اس موقع پر ڈائرکٹر اسپورٹس ایچ ای سی جاوید علی میمن،ہیڈ آف ڈپارٹمنٹ فزیکل ایجوکیشن اینڈ اسپورٹس سائنسز آئی بی اے سکھرڈاکٹرشاہ زمان خان اور دیگر بھی شرکت کریں گے۔