نوشہرہ ورکاں (نمائندہ نوائے وقت) اسسٹنٹ ڈائریکٹر فشریز ضلع گوجرانوالہ محترمہ رابعہ بصری نے اپنے عملہ کے ہمراہ چھانواں ہیچری کی طرف سے اپر چناب کینال گوجرانوالہ میں 4 لاکھ بچہ مچھلی سٹاک کیا اس موقع پر انہوں نے بتایا کہ دریاؤں، جھیلوں سمیت قدرتی پانیوں میں بچہ مچھلی کی سٹاکنگ کی جا رہی ہے جس سے غذائیت سے بھرپور تازہ مچھلی کا حصول ممکن ہو سکے گا اور پاکستان کو مچھلی کی پیداوار میں خود کفیل ہونے میں مدد ملے گی۔