صادق آباد(نوائے وقت رپورٹ)  صادق آباد کے ہسپتال میں 10 ماہ کی بچی کے پیٹ سے رسولی اور زیر پرورش بچہ نکال لیا گیا۔ والدین 10 ماہ کی بچی کو پیٹ درد کی شکایت پر نجی ہسپتال لائے تھے۔ہسپتال میں 10 ماہ کی بچی کا آپریشن چائلڈ سپیشلٹ سرجن ڈاکٹر مشتاق احمد نے کیا۔انہوں نے بتایا بچی کی حالت خطرے سے باہر ہے، اس طرح کا واقعہ 10 لاکھ بچوں میں سے ایک کے ساتھ ہوتا ہے۔ڈاکٹر مشتاق احمد نے کہا 1945  سے اب تک دنیا میں اس نوعیت کے 100 کیسز سامنے آچکے ہیں۔