سی آئی ایف ٹی آئی ایس میں پاکستان پویلین کا افتتاح، سرکردہ پاکستانی اداروں کی شرکت

 بیجنگ(آئی این پی ) چین میں پاکستان کے سفیر معین الحق نے کہا  ہے کہ سی آئی ایف ٹی آئی ایس میں پاکستان پویلین پاکستانی کاروباری اداروں کو  ایک پلیٹ فارم فراہم کرتا ہے، اس نمائش سے پاکستان کو آئی ٹی، ای کامرس، فنانس اور لاجسٹکس کے شعبوں میں خدمات کی برآمدات بڑھانے میں مدد ملے گی۔ نمائش میں این ایل سی اور پی آئی اے کی موجودگی سے علاقائی رابطے کو فروغ دینے میں بھی مدد ملے گی۔ چائنہ اکنامک نیٹ کے مطابق  چین میں پاکستان کے سفیر معین الحق نے چائنا انٹرنیشنل فیئر فار ٹریڈ ان سروسز (سی آئی ایف ٹی آئی ایس)میں پاکستان پویلین کا باضابطہ افتتاح کیا۔ اس پویلین میں پاکستان سے خدمات پر مبنی کاروباری اداروں کی متنوع رینج کی نمائش کی گئی  ، جو بین الاقوامی تجارتی شراکت داری کو فروغ دینے کے ملک کے عزم کو اجاگر کرتی ہے۔ چائنہ اکنامک نیٹ کے مطابق اس تقریب میں اعلی پاکستانی سروس پر مبنی کاروباری اداروں کے نمائندوں نے شرکت کی جن میں آئی ٹی، ٹیلی کمیونیکیشن، لاجسٹکس اور سفر اور مالیاتی خدمات میں مہارت رکھنے والی کمپنیاں شامل تھیں۔چائنہ اکنامک نیٹ کے مطابق   چین میں پاکستان کے سفیر معین الحق نے کہا کہ سی آئی ایف ٹی آئی ایس میں پاکستان پویلین پاکستانی کاروباری اداروں کو اپنی صلاحیتوں کو ظاہر کرنے اور تجارت اور سرمایہ کاری کی نئی راہیں تلاش کرنے کے لئے ایک پلیٹ فارم فراہم کرتا ہے۔ یہ اقدام چین اور دیگر ممالک کے ساتھ اقتصادی تعلقات کو مضبوط بنانے اور ملک کو خطے میں خدمات پر مبنی کاروباری اداروں کے مرکز کے طور پر مزید مستحکم کرنے کے لئے پاکستان کے عزم کی عکاسی کرتا ہے۔ چائنہ اکنامک نیٹ کے مطابق انہوں نے کہا کہ اس نمائش سے پاکستان کو آئی ٹی، ای کامرس، فنانس اور لاجسٹکس کے شعبوں میں خدمات کی برآمدات بڑھانے میں مدد ملے گی۔ نمائش میں این ایل سی اور پی آئی اے کی موجودگی سے علاقائی رابطے کو فروغ دینے میں بھی مدد ملے گی۔ انہوں نے مزید کہا کہ اس سال 75 ممالک اور بین الاقوامی تنظیمیں سی آئی ایف ٹی آئی ایس میں حصہ لے رہی ہیں جس میں تقریبا 1868 نمائشی کمپنیاں حصہ لے رہی ہیں۔ چائنہ اکنامک نیٹ کے مطابق   سی آئی ایف ٹی آئی ایس، اسپیشل ٹیکنالوجی زون اتھارٹی (ایس ٹی زیڈ اے)، پاکستان انٹرنیشنل ایئرلائنز (پی آئی اے )، نیٹ سول، آئی ایس بی ای آئی، نیشنل بینک آف پاکستان، نیشنل لاجسٹک کارپوریشن (این ایل سی)، ایف بی انٹرپرائزز اور دیگر میں شرکت کرنے والی سرفہرست پاکستانی کمپنیوں نے سی آئی ایف ٹی آئی ایس میں چینی سرمایہ کاروں کو راغب کرنے کے لیے اپنے بوتھ کھولے۔ نمائشیں، فورمز، بزنس پروموشن کانفرنسز، معاون سرگرمیاں اور گلوبل سروسز ٹریڈ سمٹ بھی منعقد کی جائیں گی۔