آنے والا دور مسلم لیگ(ن)کا ہو گا،شیخ آفتاب احمد

سنجوال کینٹ(نامہ نگار)عوام مایوس نہ ہو نواز شریف کی قیادت میں پاکستان کو اندھیروں سے نکالیں گے چار برس کی بربادی کو دوبارہ خوشحالی میں تبدیل کرنے کا عزم زندہ ہے نواز شریف کے آنے سے ملک میں مہنگائی بیروزگاری کا خاتمہ ہو گا محمد نواز شریف واحد لیڈر ہیں جو ملک کی تقدیر بدل سکتے ہیں ان خیالات کا اظہارسابق وفاقی وزیر سینئر نائب صدر مسلم لیگ (ن) پنجاب شیخ آفتاب احمد نے اپنے ایک بیان میں کیا ہے انہوں نے کہا آنے والا دور مسلم لیگ(ن)کا ہو گا اقتدار میں آکر عوام کو پہلے کی طرح ہر شعبہ میں ریلیف دیں گے تاریخ گواہ ہے شریف برادران نے ملک اور قوم کی جتنی خدمت کی ہے اس کی مثال نہیں ملتی مسلم لیگ(ن) نے اربوں روپے کے ترقیاتی منصوبے مکمل کئے۔