لاہور(کامرس رپورٹر)سولر ٹیکنالوجی ایکسی لینس ایوارڈز 2024، کی تقریب مقامی ہوٹل میں ہوئی۔ پاکستان میں شمسی توانائی کی ترقی میں نمایاں خدمات پر 28 کمپنیوں کو ایوارڈز دیئے گئے۔ گورنر خیبرپی کے فیصل کریم کنڈی نے بطور مہمان خصوصی شرکت کی۔  انرجی اپڈیٹ کے منیجنگ ایڈیٹر اور آرگنائزنگ کمیٹی کے چیئرمین نعیم قریشی نے بتایا کہ ایوارڈ کی نامزدگی کیلئے معزز ججوں کے پینل نے محتاط جانچ پڑتال کی  ہے۔  پی پی آئی بی کے منیجنگ ڈائریکٹر شاہ جہاں مرزا نے ایوارڈ حاصل کرنے والوں کو مبارکباد دی۔ ایوارڈز  حاصل کرنے والی کمپنیوں میں سولس انورٹرز، شینزین گرووٹ نیو انرجی ٹیکنالوجی، ہواوے انٹرنیشنل  ،گڈ وی ٹیکنالوجیز‘ انوریکس سولر انرجی، ہواسن انرجی ، زیونک پرائیویٹ لمیٹڈ، سنگرو پاور سپلائی ‘ اینرکیپ انرجی ہولڈنگزو دیگر شامل ہیں۔