لاہور(سپورٹس رپورٹر)انگلینڈ اینڈ ویلز کرکٹ بورڈ نے برینڈن میکلم کو دورہِ بھارت سے قبل انگلینڈ کا وائٹ بال کوچ مقرر کر دیا گیا۔بورڈ نے اعلان کیا کہ انگلینڈ کے ٹیسٹ کوچ برینڈن میکلم کو وائٹ بال ٹیموں کی بھی ذمہ داری سونپ دی گئی ہے۔ نیوزی لینڈ کے سابق کھلاڑی جنوری 2025 سے ٹیسٹ اور محدود اوورز دونوں ٹیموں کے انچارج ہوں گے۔ اس دورانیہ میں انگلینڈ بھارت کا دورہ کریگا اور پاکستان کی میزبانی میں ہونے والی چیمپئنز ٹرافی کھیلے گا۔انگلینڈ نے میکلم کی تقرری سے قبل 17 میں سے صرف ایک ٹیسٹ جیتا تھا لیکن انہیں کوچ بنائے جانے کے بعد 28 میں سے 19 ٹیسٹ جیتے ہیں۔انگلینڈ مینز کرکٹ کے مینیجنگ ڈائریکٹر روب کی نے کہا کہ مجھے خوشی ہے کہ برینڈن نے اب انگلینڈ کیساتھ دونوں کردار ادا کرنے کا انتخاب کیا ہے۔