لاہور(سپورٹس رپورٹر) خاور حیات خان میموریل نیشنل رینکنگ ٹینس ٹورنامنٹ میں مزمل مرتضیٰ ،محمد شعیب ،یوسف خلیل اور عقیل خان نے سیمی فائنل کیلئے کوالیفائی کر لیا۔ اسلام آباد میں مینز سنگلز کے کوارٹر فائنلز مقابلوں میں مزمل مرتضیٰ نے عبداللہ عدنان کو 7-5، 5-7 اور 5-7 سے شکست دی۔ محمد شعیب نے مدثر مرتضیٰ کو 7-5 ،3-6 اور2-6 سے مات دی۔ یوسف خلیل نے برکت اللہ کو 6-4 ،4-6 اور 2-6 جبکہ چوتھے کوارٹر فائنل میں عقیل خان نے احمد نیل قریشی کو 3-6 اور1-6 سے ہرا کر سیمی فائنل کیلئے کوالیفائی کر لیا۔مینز ڈبلز کے کوارٹر فائنل میں مدثر مرتضیٰ اورشہزاد خان نے محمد طلحہ خان اور حذیفہ خان کو 1-6 اور 0-6 جبکہ دوسرے میچ میں حمزہ رومان اور ثاقب حیات نے سمیع زیب خان اور عبداللہ عدنان کو 7-6(3), 6-7(5) 10-8سے شکست دیکر سیمی فائنل میں جگہ بنا لی ہے۔