لاہور(سپورٹس رپورٹر) ابوظہبی میں جاری ایشین جونیئر ویمن باکسنگ چیمپیئن شپ میں پاکستان کی خاتون باکسر عائشہ ممتاز نے سیمی فائنل کیلئے کوالیفائی کر لیا۔عائشہ ممتاز نے کوارٹر فائنل میچ میں سری لنکن باکسر کو ہرا کر سیمی فائنل میں جگہ بنا لی، جہاں قومی باکسر کا مقابلہ بھارت کی جونی سے 6 ستمبر کو ہوگا۔پاکستان باکسنگ فیڈریشن نے عائشہ ممتاز کی کامیابی کو پاکستان باکسنگ کیلئے خوش آئند قرار دیا ہے اور امید ظاہرکی ہے کہ عائشہ سیمی فائنل میں بھی کامیابی پائیں گی۔