پاکستان کو شکست دینا تاریخی موقع ‘ فتح عوام کے نام :بنگلہ دیشی کپتا ن

لاہور(سپورٹس رپورٹر)بنگلہ دیش کرکٹ ٹیم کے کپتان نجم الحسین شانتو نے پاکستان کرکٹ کے سابق کپتان اور مایہ ناز فاسٹ بائولر وسیم اکرم سے ملاقات کی خواہش کا اظہار کر دیا۔انہوں نے کہا پاکستان کیخلاف ٹیسٹ سیریز میں جیت اپنے ملک کے عوام کے نام کرتا ہوں، پاکستان کو پاکستان میں شکست دینا زندگی کا تاریخی موقع ہے لیکن ہم پاکستان کی میزبانی سے خوب لطف اندوز ہوئے ہیں۔  وسیم اکرم کے کھیل اور بائولنگ ایکشن کا میں دیوانہ ہوں، میری خواہش تھی دورہ پاکستان کے دوران وسیم اکرم سے ملاقات کروں اور ان سے کچھ گر سیکھوں لیکن یہ ممکن نہ ہو سکا۔ پاکستان کیخلاف جیت سے ٹیم کا مورال بلند ہوا ہے۔