طیفی بٹ کا بہنوئی سپردخاک‘ بالاج ٹیپو کے بھائی سمیت 4 افراد کیخلاف مقدمہ

لاہور (سٹاف رپورٹر) طیفی بٹ کے بہنوئی جاوید بٹ کی نماز جنازہ اقبال ٹاؤن میں ادا کر دی گئی۔ نماز جنازہ میں عزیز و اقارب سمیت پولیس افسروں‘ وکلاء‘ سیاسی و سماجی شخصیات نے شرکت کی۔ نماز جنازہ کے دوران سکیورٹی کے سخت انتظامات کئے گئے تھے۔ دریں اثناء امیر بالاج قتل کیس کے ملزم خواجہ تعریف گلشن عرف طیفی بٹ کے بہنوئی جاوید بٹ کے قتل کا مقدمہ درج کر لیا گیا۔ مقدمہ تھانہ اچھرہ مقتول امیر بالاج ٹیپو کے بھائی امیر فتح اور قیصر بٹ سمیت 4 افراد کے خلاف مقتول جاوید بٹ کے بیٹے حمزہ جاوید کی درخواست پر درج کیا گیا۔