فیصل آباد (نمائندہ خصوصی) خوبرو لڑکیوں نے ساتھیوں کی مدد سے نوجوان کو لوٹ لیا، تھانہ جھنگ بازار پولیس رپورٹ کے مطابق ابرار حسین نے مقدمہ درج کرواتے بتایا کہ جھنگ بازار میں دو لڑکیوں نے پیٹ درد کا بہانہ بنا کر قریبی ہسپتال چھوڑنے کا کہا، ریگل چوک کے قریب پیچھے بیٹھی لڑکی نے پسٹل نکال کر کمر سے لگا دیا اور شور مچانے پر جان سے مارنے کی دھمکی دی اور اسلحہ کے زور پر پنجاب ہاؤسنگ سوسائٹی میں واقع گھر میں لے گئیں، جہاں پر پہلے سے ہی ایک خاتون اور چار مرد ملزم موجود تھے، جنھوں نے دس ہزار روپے، موبائل فون اور موٹر سائیکل چھین لیا۔ پولیس مصروف کارروائی ہے۔