حافظ آباد:قصاب یونین انتخابات  میں رانا خاور عباس صدر منتخب 

حافظ آباد(نمائندہ نوائے وقت) قصاب یونین حافظ آباد کے انتخابات میں رانا خاور عباس صدر منتخب ہوگئے۔ اس موقع پر رانا خاور عباس نے یونین سے خطاب کرتے ہوئے کہا کہ تمام یونین کے لیے میرے دروازے خدمت کے لیے  ہمہ وقت کھلے ہیں۔ قصاب یونین کی عزت وقار کی بلندی، بہتری اور ترقی کے لیے دن رات کوشاں رہوں گا۔ قصاب یونین خود کو کبھی اکیلا نہ سمجھے۔رانا خاور عباس کے اعزاز میں پرتکلف عشائیہ بھی دیا گیا۔ رانا خاور عباس کو صدر قصاب یونین منتخب ہونے پر چئیرمین ڈسٹرکٹ پریس کلب چوہدری امجد پرویز چٹھہ، صدر اشٹام فروش یونین سید اسرار حسین شاہ اور دیگر سیاسی و سماجی راہنماوں کی طرف سے مبارکباد دی گئی اور پھولوں کے گلدستے پیش کیے گئے۔