راولپنڈی(اپنے سٹاف رپورٹرسے)امام حسن ؓ سردار جوانان جنت اور سیرت و صورت میں شبیہ رسولؐ تھے ان خیالات کا اظہار ممبر کینٹ بورڈ حاجی ظفر اقبال نے یوم شہادت امام حسن ؓ کے موقع پر اپنے بیان کیا انہوں نے کہا ہے کہ امام حسن نواسہ رسولؐ ،جگر گوشہ بتول، فرزند حیدر کرار حضرت علی و خاتون جنت فاطمہؓ اور امام حسینؓ کے بڑے بھائی ہیں۔نبی کریمؐ حسن ؓو حسین ؓسے بہت پیار کرتے تھے اور کہا کرتے تھے کہ یہ دونوں جنت کے پھول ہیں۔مسلمانوں کو چاہیے کہ وہ سیرت حسنؓ کو اپنائیں اور دنیا و آخرت میں فلاح پا جائیں کیونکہ انکی ساری زندگی اتباع رسولؐ میں گزری۔