بورے والا میں مکان کی چھت گرنے سے ایک بچی جاں بحق ہوگئی، ماں اور دو بچے شدید زخمی ہوگئے۔نواحی گائوں 475 ای بی میں موسلا دھار بارش کے باعث مکان کی چھت گری جس کے نیچے دب کر ایمان موقع پر دم توڑ گئی، چھت گرنے سے ایمان کی والدہ شکیلہ بی بی، بھائی عدیل اور ایک اور بچہ فرحان زخمی ہوگیا۔حادثے کی اطلاع ملتے ہی امدادی ٹیمیں موقع پر پہنچ گئیں اور امدادی کارروائیوں میں حصہ لیتے ہوئے جاں بحق بچی کی لاش اور زخمیوں کو تحصیل ہیڈکوارٹرز ہسپتال منتقل کر دیا۔