گڑھی خدا بخش: ذوالفقار بھٹو کی برسی کی تقریب میں جیالے کھانے پر ٹوٹ پڑے

گڑھی خدا بخش (آئی این پی) پاکستان پیپلزپارٹی کے بانی چیئرمین اور سابق وزیر اعظم ذوالفقار علی بھٹو کی برسی کی تقریب میں جیالے کھانے پر ٹوٹ پڑے۔ ہفتہ کوپاکستان پیپلزپارٹی کے بانی چیئرمین اور سابق وزیر اعظم ذوالفقار علی بھٹو کی36ویں برسی منائی گئی ۔گڑھی خدابخش میں لنگر کا بھی انتظام کیا گیا۔لنگر تقسیم کرنے کیلئے ایک گاڑی پر لایا گیا تو پیپلز پارٹی کے جیالوں نے گاڑی کو دیکھتے ہی نعرہ لگایا کہ نہ قیادت آئی نہ کچھ، لنگر آ گیا اور گاڑی کو گھیرے میں لے کر اس پر ٹوٹ پڑے۔ڈرائیور نے گاڑی دوڑائی تو سارا لنگر ضائع ہو گیا۔