دبئی (نوائے وقت رپورٹ) آئی سی سی نے ٹی 20 کرکٹ کی نئی رینکنگ جاری کر دی جس کے مطابق بھارت پہلی پوزیشن پر موجود ہے جبکہ ورلڈ چیمپئن ویسٹ انڈیز کا دوسرا نمبر ہے۔ نیوزی لینڈ تیسرے، انگلینڈ چوتھے، جنوبی افریقہ پانچویں، آسٹریلیا چھٹے اور پاکستان ساتویں نمبر پر آ گیا۔ بیٹنگ میں ویرات کوہلی کا پہلا، ایرون فنچ دوسرے، گپٹل تیسرے، جوئے روٹ چوتھے، فاف ڈوپلیسز پانچویں نمبر پر ہیں۔ پاکستان کا کوئی بلے باز پہلے 20 کھلاڑیوں میں شامل نہیں۔ عمر اکمل درجہ بندی میں 22ویں اور احمد شہزاد 25ویں نمبر پر ہیں۔ باؤلنگ میں سیموئیل بدری کا پہلا، عمران طاہر دوسرے، ایشون تیسرے نمبر پر ہیں۔