شرجیل میمن نے سونے کے تاج چھیپا ویلفیئر کو عطیہ کر دیئے

کراچی (آن لائن)شرجیل میمن نے سونے کے 2تاج چھیپا ویلفیئر کو عطیہ کر دیئے ۔ میڈیا رپورٹس کے مطابق سابق صوبائی مشیر اطلاعات شرجیل میمن نے وطن واپسی پرحلقے میں جلسے کے دوران کارکنوں کی جانب سے ملنے والے سونے کے دونوں تاج سماجی اور رفاعی کاموں کیلئے چھیپا ویلفیئر کے سربراہ رمضان چھیپا کے حوالے کردیئے ۔شرجیل انعام میمن کمر درد کے باعث 2روز سے کراچی کے مقامی ہسپتال میں زیر علاج ہیں جہاں چھیپا ویلفیئر کے سربراہ رمضان چھیپا ان کی عیادت کو آئے تھے جہاں شرجیل میمن نے انہیں تاج عطیہ کیے۔